W osobówce podsłuchane

fot. Pixabay.com
fot. Pixabay.com

Niewiele górnicy mieli czasu na pogawędki kiedy już znaleźli się w rejonie robót, każdą więc wolną chwilę przeznaczali na to by uciąć sobie pogawędkę z kamratem. Miejscem do tego odpowiednim, był wagonik kolejki podziemnej, tam można było usłyszeć najdziwniejsze historie, te prawdziwe, których było raczej niewiele i te których dobrze było słuchać z przymrużeniem oka. Nie brakowało wśród tych dyskusji zwyczajnych męskich klachow, tematem jednak głównym były żarty, żarciki i bery, w których dostawało się teściowym, i dozorowi górniczemu.

Przypomnijmy zatem kilka górniczych opowiastek, w drodze do pola jak nazywano dojazd górników w rejon robót a także w drodze powrotnej kiedy to, ta sama kolejka wiozła górników w kierunku upragnionego szybu.

Przylazi kobiyta do sztajgra na kopalnia i godo, panie sztajger dali byście mojymu chopu wiyncy roboty, bo co przidzie to mie yno ciyngiym do łożka zaciongo a yno mu se gupot zachciywo. Ja, toż na to, na pewno poradzymy godo sztajger, niy bojcie se, już mu te amory na czas z łeby wygoniymy. Na drugi dziyń przilazi chop ze roboty zajechany jak szlag i pado, wiysz co Ircia dzisioj ani niy byda jod łobiadu yno se pofiglujymy i puda spać.

*

Idzie łożarty gornik ze szynku do dom, naroz świt i leży jak dugi, idzie policyjon i pyto, a wy co tam na ty ziymi szukocie, ano leża i suchom czy kamraty ze drugi zmiany jeszcze fedrujom.

*

Siedzi Antek ze Franckym na piwie i Antek godo powiydz pojakymu Adam ze Ewom we raju tak zgodnie żyli? Chopie, godo Francek to je proste przeca niy mieli teściowy.

*

Jadom gorniki na dole we kopalni osobowkom do ściany i do przodkow, kożdy wyciongo chlyb łodkrywo papior i wszyjscy jedzom, Jorguś tyż łodkrywo swoj, patrzy i prask tym całym zawiniontkym pod stus. Pytajom se go kamraty, czamu to wyciepujesz a łon nato zaś mi placek kartoflany dała. Na drugi dziyń to samo, zaś jadom, zaś wszyjscy jedzom, Jorguś zaś papior łodkrywo i to samo co wczora, prask nim pod stus, zaś placek, godo. Na trzeci dziyń, wszysko se powtorzo yno Jorguś już papiora niy łodkrywo yno zaro prask pod stus, kamraty se pytajom czamu to niy łoglondosz, możno ci dała co inkszego, niy, dzisioj śniodanie rychtowoł ach se som.

*

Jadom gorniki w cugu z roboty, Gerchat trzimie gazeta w rynce i ciyngiym powtorzo jedno a to samo. Co to bydzie w lipcu? Co to bydzie w lipcu? Pytajom se go kamraty coś ty tam takigo we ty gazecie wyczytoł, a łon na to co to bydzie w lipcu jak Jorgusiowi już tera tak fest szłapy śmierdzom.

*

Siedzi dwóch gornikow na piwie i tak se łosprawiajom. Pacz jaki tyn świat je dziwny, pado jedyn śnich. Jak gornik je chory, to sztajger godo, że je łożarty, a jak sztajger je łożarty to se godo, że se rozchorowoł.

*

Stoi se tak dwóch chopow przi płocie i tak se łosprawiajom; Kareł, jo już je taki stary a dziepiyro chse wczora dowiedzioł jako je różnica miyndzy teściym a teściowom, godej wartko godo drugi; toż tako, że teść przijyżdżo ze wizytom a teśćiowo z wizytacjom.

*

Coś z gatonku wicow złośliwych.

Lucek, godo kamrat do kamrata, powiydz mi wiela teściowo powinna mieć zymbow? Niy wiym godo Lucek, dwa godo jego kamrat. Jedyn coby miała czym ziyńciowi kapsle łod piwa łotwiyrać a drugi coby jom cołki czos boloł.

*

Wic przedwojenny.

Łokolice Bytomia. Helcia po szychcie czeko na przistanku, przijyżdżo autobus, Helcia wsiado. Konduktorka Niymka se łodzywo; Wo chin? A na to Helcia, kobiyto do Bytomia niy do Chin.

*

Przilazi mały Ecik cołki ześlimtany na łostatnio lekcjo do szkoły. Rechtorka se go pyto kaś to łazioł Ecik tela czasu, przilazisz do szkoły jak trza iść do chałpy. Na to cały zbeczany Ecik łodpowiado. Ze krowom do byka musiołech iść, a łojciec niy mog pyto se rechtorka, a mog godo Ecik ale byk to zrobi lepi.

*

Wic zamorski ale po Ślonsku.

Łojciec ludożerca szpacyruje z bajtlym i łoba ercylujom co by tu przegryść. Mijo ich jakoś kobiyta. Patrz łojciec jako chudo, możno jom zjymy? Gupi…skora a kość, niy łopłaci se fojerki skłodać godo stary doświadczony ludożerca pra. Niy twało dugo, patrzom richtich zex bomba ich mijo, bajtel już trocha wyrośniony i co niyco rozumiejoncy reaguje blank po mynsku i ryczy… stary, stary zaglondej, to je dopiyro sztuka ta zjymy co? Aś ty gupi godo stary, ta bierymy a mama zjymy.

*

Idzie Helcia do spowiedzi, spowiado se, spowiado, kupa tego boło wiyncy niy pamiyntom godo i czeko co bydzie dali. Kapelonkowi to niy dało pokoj, po głosie poznoł, że to pewnikym fest musi byść szwarno dziołcha, wychylo se ze suchatelnice i godo frelko a ze chopcami sypiosz? Abo to spać dajom kapelonku.

*

Wic wspołczesny tyż po Ślonsku.

Przilazi do klasy wizytator i pyto se ucznia jak se nazywosz? Bruce Lee! A ty? pyto se drugigo. Bruce Lee! Wylazi ze klasy idzie do rechtora i godo, co łoni zgupieli, sam kożdy godo, że je Bruce Lee. Łoni wszyjscy cyganiom Bruce Lee to je jo godo rechtor…

*

Chopsko łosprowka.

Francek – skont ty mosz take fajne kołko, mosz to nowe? Pyto se go Antek Sowiżdżoł. Ja suchej, byli my ze Helciom na stawach se kompać. Kompiymy se tak, kompiymy. Zaczło se poleku ćmić, Helcia tak na mie zaglondo i godo – no to Francek, bier co widzisz nojlepszego, jo tyż nic, yno fas za kołko i ku chałpie.

*

Nauka przed ślubna.

Pyto se kapelonek na nauce – powiydz mi Jozek – czamu to chop musi baba żywić. Jo tak myśla godo, że to je skuli tego, że baba we raju chopa żywioła i my za to do terazka pokutujymy.

*

Dwie agrafki (dwie zicherki).

Zicherka uskarguje se drugi zicherce – zima mi. To se zapni.

*

U dochtora.

We poczekalni siedzi fest chory chop i bez ustanku godo jedno a to samo, że łodwiedzioł już wszyskich dochtorow we łokolicy prawi siostra do dochtora – a na co se skarży pyto dochtor? No na tych dochtorow.

*

Tata Szkot.

Mody Szkot wroco ze zolytow. Jak tam na zolytach? Pyto ciekawski tata Szkot. Fajnie, wydołech yno 4 funty. O, o, o, o – za dużo łodpowiado szsczerze zmartwiony tata Szkot. Ja, łodpowiado Szkot junior, ale łona już wiyncy niy miała.

*

Szkocko armia.

Mc – Donalds – czamu do cholery wasza kecka jest o 10 cm. dłuższa niż w regulaminie pyto wściekły kapral. Mody wojok mruży jedne łoko i godo, no właśnie, czamu?…

*

Pytanie.

Czamu Szkoty noszom kecki? Coby niy płoszyć łowiec, łotwiyraniym rajsfeszlosa (zamka błyskawicznego).

*

Wypadek.

Szkot naprawio dach – nogle, skond się wejś, ukiołznoł i furgo na doł, jak leci to widzi jak jego kobiyta rychtuje łobiot, woło do ni – dzisiaj niy strugej kartofli dlo mie. Dzisioj zjym we szpitalu.

Wybrane słówka.

Stus——————Ocios- inaczej ściana boczna wyrobiska górniczego.
Ciyngiym———–Ciągle
Zajechany———–Przepracowany, przemęczony.
Łożarty, naprany, nawalony————–Pijany.

Autor: Tadeusz Puchałka

Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*