Wielki Piontek.
„Jeśli w Wielki Piątak pada,
suche lato zapowiada,
ale gdy w ten dzień ładnie,
dużo deszczów spadnie”(Przysłowie polskie)
Wielki Piontek tak jak jo pamiyntom, wszyjscy byli już po spowiedzi, łostatnio droga krziżowo i wszyjscy nawet gowiydź w tyn świynty czas jakoś inaczy se do siebie łodnosiyli. Powiy chtoś no to czamu niy tak cołki czos? – Sami se muszymy na te pytanie łodpedzieć ale powiydzma – tak miyndzy Bogym a prowdom, idzie to cołki czos bes swady ze swojom kobiytom wytrzimać?
Toć, że niy, bo to se już przeca niy rozchodzi ło te wadzynie yny ło te godzynie. Jak by my se cołki rok kusiki dowali no i take tam-to jako by my tyn świynty czas przeżywali, tak to już musi byś we tym życiu doczesnym, nagrzyszy czowiek, naprzezywo, do spowiedzi poleci i zaś je pora dni po Bożymu, i jak to pedzioł prymas Stefan Wyszyński „Każda prawdziwa miłość musi mieć swój Wielki Piątek” Trza nom tyż wiedzieć, że Wielki Piontek to czas wielki powagi i skupiynio nad samym sobom, ścisły post nos łobowionzuje-na dobroci i maszkety przidzie czas we świynta.
Autor: Tadeusz Puchałka
Dodaj komentarz