Chowanie dziecek i wnuków

Jedzie Wiesiek na rowerze kółka mu se kryncom. Za nim młodość woła krzyczy - Dziodek głuchy niedosłyszy.
Jedzie Wiesiek na rowerze kółka mu se kryncom. Za nim młodość woła krzyczy - Dziodek głuchy niedosłyszy.

Kożdy wie że dziecka lepszy się chowają
Kiedy uma i upa we chałupie majom
I każdy mo recht kiery prawi nom nauki
Co dziecka się chowie inakszy – a inakszy wnuki

Synek łod fatra broł szmary by dobrze się chowoł
Fater mu za gupoty rod skóra biglowoł
Wnuka za uma się chowie i retungu szuko
Bo wie pieron że uma nie do skrzywdzić wnuka

Upa zaś pado do fatra by się pozór dowoł
Przypomnij się gupieloku jak jo cie szmarowoł
I na psico się zdoło cołkie biglowanie
Dej pozór! Dziś dziecek inksze jest chowanie

Kaj drapnońć jak muter wrzeszczom dziecka dobrze znajom
Uma i upa bajtlom na gowa leźć dajom
I choćby co zmalował tyn gizd zatracony
To mu zaż jeszcze dadzom piontka na bombony

Mieć uma i upa w doma to szykowno sprawa
Ze upom fajno nauka i fajno zabawa
Uma w biedzie utuli – o wnuka się wadzi
I najlepszy maszkety szykowaś poradzi

Tóż suchej cie ludkowie – a przodzi zaś wnuki
Jakie w moim szkryflaniu sam stojom nauki
Wiencyj łonaczyć nie byda po chyba już wiecie
Jak chowaś mocie wnuki gdy tych lot dożyjecie

W. Machnik dla „Kamratów ze ślońskiej chaty”
18 stycznia 2015 roku

Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*